அஞ்சல்

எழுதியது சென்று சேருமா
என்று அஞ்சுவதாலேயே
அஞ்சலென்றார்களோ என
சிந்தித்த தருணங்களுண்டு.

விண்ணேறிவிட்ட
விமானம் தரையிறங்கும்வரை
இருக்கும் தவிப்பு போல
எத்தனையோ தடைகள்
கடந்து வந்திடும் உனது
அஞ்சல்களின் கையெழுத்துக்காய்
காத்திருக்கிறேன் அன்பே.

மின்னஞ்சல் வேண்டாம்
மீதமென வார்த்தைகள் போக
அதில் ஏதுமில்லை உயிரே,
உன் கைகள் தொட்டுத்
தவழ்ந்த பேனா மைச்சிதறல்களில்
திமிறும் அன்புக் கடிதங்கள் தா.