குழந்தை வானம் நீ

என் உயிருள் நுழைந்த உறவே
என் உதிரம் கலந்த கனவே
நேற்று என்பதுன் நினைவோடே
நாளை என்பதுன் கனவோடே
என் திசைகள் யாவையும் நீயானாய்
என் பயணம் முழுவதும் நீயானாய்
என் தாகம் தீர்க்கும் குடமே

நான் தொலைத்த நிமிடம் நீயானாய்
நான் இழந்த தருணம் நீயானாய்
என் தூக்கம் கலைத்த நிஜமானாய்
என் துக்கம் துடைத்த அன்பானாய்
வானம் முழுக்க நீ நிலவானாய்
வசந்தம் முழுக்க நீ பகலனாய்
என் பாதி நிறைக்க நீ பிறந்தாய்
என் மீதி கரைக்க நீ தவழ்ந்தாய்
பூக்கள் பூக்கும் அழகே

நான் நடக்கும் போது என் நிழலானாய்
நான் தூங்கும் பொழுது என் கனவானாய்
பேசும் பொழுது என் குருவானாய்
மௌனப் பொழுதில் நீ துணையானாய்
எனைத் தேடித் தேடி நீ முகிலானாய்
பின் அழுது அழுது நீ மழையானாய்
என் நாடி நரம்பெங்கும் நீதானே
என் தாடி மீசையும் நீதானே
என் எட்டு மாதப் பயிரே