காத்திருக்கும் காதலன்

சில்லென பெய்த
ஒரு மழையிரவில்
மேனியெலாம் நனைந்துவிட
ஒதுங்கவும் இடமின்றி
என் மார்பில் முகம்புதைத்து
குழந்தையாய் மாறிக்கேட்டாய்
எப்பொழுது எனக்குத்
தாலி கட்டுவாய்?
காலம் கூடட்டும்
கொஞ்சமேனும் பொருளீட்டி
கரம் பிடிக்கிறேனென்றேன்.

யாரோ, நீ
குழந்தையோடு குழந்தையாக
விளையாடியதைப் பார்த்து
வண்ணத்திரையில் நடிக்கக்
கூப்பிட குழந்தைத்தனம்
குறைந்துவிட்டது உன் வாழ்வில்.

எத்தனையோ பத்திரிகையில்
என்னற்ற கிசுகிசுகுகளுக்கிடையில்
உன்னைத் தேடி வரும் என்னை
உன் வீட்டு நாயும்
உன் அண்ணனும் முறைத்துப்
பார்க்கையில் விரிந்து
கொண்டே இருக்கிறது
நம்முடைய இடைவெளி.