என் கவிதைகளுக்கு இனி இங்கே செல்லவும்

என்னைப் பற்றி...

My photo
நல்ல நண்பர்களையும் கொஞ்சம் கவிதைகளையும் சேமித்து வைத்திருப்பவன்...

படைப்புகளை மின்னஞ்சலில் பெற...

http://groups.google.co.in/group/oliyavan
பதிவுகளைத் தவிர வேறெந்த மின்னஞ்சலும் அனுப்பப் படமாட்டாது

Friday, April 18, 2008

பட்டாளம் போறேம்புள்ள.....

ஆத்தங்கர ஓரத்துல ஒய்யாரமா நிக்கும் புள்ள
அப்பனாத்தா மெச்சும் வண்ணம்
சேதி ஒன்னு சொல்ல வந்தேன்.
விவரம் ஏதும் கேட்காம
வாடி புள்ள ஒதுங்கி இங்க.

வாளித் தண்ணி எடுத்து
வெளுத்துப் போட வந்த என்ன
ஓரம் ஒதுங்க சொல்லும் மாமா
உனக்கு புத்தி மாறிப் போயிடுச்சா?
இல்ல நான் சொன்னதுதான் மறந்து போச்சா?

பொம்பள புத்தி பின்புத்திங்கற
பழமொழிய நீயும் நெசமாக்காத.
சொல்ல வந்தத கேளடியேய்!
மாமன் சொல்லுறத கேட்டுப்புட்டு
மயங்கிடாத என் கிளியே.

என்ன மயக்க வந்த மாமா
உன்னிடம் மயங்குவது என்ன புதுசா?
சேதிய சுருக்கி சொல்லு,
சினங்கொண்ட எங்கய்யா வருமுன்னே
வந்த தடம் ஒதுங்கி நில்லு.

புத்தி தெளிஞ்சு மாறிப்புட்டேன்.
பட்டாளம்தான் போகப்போறேன்,
பீரங்கி புடிக்கப் போறேன் புள்ள.
நாட்டக் கொஞ்சம் காத்துப் புட்டு, காசு பணமும்
சேத்துக்கிட்டு, வருவேன் உன்னைக் கைப்புடிக்க.

உலகந்தான் சுத்துதா, இல்ல கிறுக்கு மக
உள்ளந்தான் சுத்துதா?
நல்ல சேதி சொல்லுறேன்னு, உன் சாவுக்கு
நாள் குறிக்க வந்தீகளா?
பட்டாளம் போறேன்னதும் என் பாதி உசுறு போயிடுச்சு.

அட கிறுக்கு மக பெத்த புள்ள - இப்போ
அழுது உறையும் காரணமென்ன?
நாட்டக் காப்பாத்த போகும் போது
நாணி நிக்கும் தலையுமென்ன?
வீரத் திலகமிட்டு வழியனுப்படி என் அத்த மகளே.

நீ புத்தி மாறி வரும்போது
முட்டு கட்ட நானும் போட்டா,
விளங்குமா உம்பொழப்பு? இனி
விடியல் வரட்டும் நம் வாழ்வுக்கு.
நீ வரும் வர மனச கல்லாக்கி வைப்பேன்.

பொறுப்பான மனுசனா என்ன மாத்தி வச்சு
புழுங்கி இப்போ போவதென்ன?
நித்தம் உன்னை நினைச்சுக்குவேன்
நெஞ்சுல உரம் கூட்டிக்குவேன்.
காலத்தோட உன்னை கைப்புடிப்பேன், இது சத்தியன்டி.

உன்னக் கிளம்ப சொல்லிப்புட்டு
பொலம்பி நானும் அழுவலாமா?
நித்தம் உன்னை எதிர்பார்ப்பேன் - உனக்காக
நிதமும் ஒரு விளக்கேத்தி வைப்பேன்.
காதல் ஒன்னும் குத்தமில்லனு காட்டிப்புட நீயும் வந்துடைய்யா.

0 comments:

இங்கே கண்தடம் பதித்தவர்கள்

நாட்காட்டி

தமிழ்வெளி

More than a Blog Aggregator

தமிழ் கணிமை

:: தமிழ் திரட்டுகளின் சங்கமம்
:: Tamil blogs, news, ezines

Thiratti.com

அதிகாலை

Instant dynamic Tamil News Portal